Satara,Maharashtra,India

सातारा जिल्ह्याची मुख्याध्यापक पदोन्नती साठीची तात्पुरती टीईटी पात्र शिक्षकांची यादी जाहीर

ज्येष्ठांना डावरल्याने तीव्र नाराजी

सातारा : सातारा जिल्हा परिषद प्रशासनाने प्राथमिक शाळांच्या मुख्याध्यापक पदासाठी पदोन्नतीची टीईटी पात्र शिक्षकांची तात्पुरती यादी जाहीर केली आहे. सा. 'आवाज शिक्षकांचा' डेली न्यूज ला मिळालेल्या माहितीनुसार एकूण 253 जणांची नावे या यादीत असल्याचे कळते.

 दरम्यान या यादीमध्ये टीईटी परीक्षा न दिलेल्या सेवाज्येष्ठ शिक्षकांचा समावेश नसल्यामुळे त्यांच्याकडून तीव्र नाराजी व्यक्त होत आहे. सर्वोच्च न्यायालयाने सर्व शिक्षकांसाठी टीईटी परीक्षा बंधनकारक केल्यानंतर सेवाज्येष्ठ शिक्षकांना पदोन्नत्या कशा पद्धतीने देणार, असा प्रश्न चर्चीला जात होता. आता  टीईटी अंतिम निकाल लागल्यानंतर त्या यादीनुसारच सातारा जिल्ह्यातील मुख्याध्यापक पदोन्नती नावांची यादी तयार करण्यात आल्याचे समजते . शिक्षकांना दोन वर्षात टीईटी परीक्षा उत्तीर्ण होणे आवश्यक केलेले असल्यामुळे अनेकांना अद्याप ही परीक्षा देता आलेली नाही. त्यामुळे त्यांच्यात अन्यायाची भावना आहे. याबाबत शिक्षक संघटना आता काय भूमिका घेतात याकडे सर्वांचे लक्ष लागून राहिले आहे. दरम्यान, ही मुख्याध्यापक पदोन्नतीची यादी तात्पुरती किंवा संभाव्य असल्याचे जिल्हा प्रशासनाने म्हटले असले तरी हीच यादी पुढे अंतिम होण्याची शक्यता व्यक्त केली जात आहे. 

संभाव्य किंवा तात्पुरती मुख्याध्यापक पदोन्नती साठी यादीतील नावे पाहण्यासाठी सा. आवाज शिक्षकांचा लिंक वर क्लिक करून पाहू शकता.