Satara,Maharashtra,India

कोकणातील शिक्षिका अद्याप बेपत्ता झेंडावंदनानंतर झाल्या होत्या गायब

सिंधुदुर्ग : सिंधुदुर्ग जिल्ह्यातील वैभववाडी येथे 34 वर्षीय विवाहित शिक्षिका बेपत्ता झाल्याने मोठी खळबळ उडाली आली आहे. पूजा अनिल पोवार असे बेपत्ता महिलेचे नाव असून त्या व्यवसायाने शिक्षिका आहेत.

1 मे रोजी शाळेत झेंडावंदन केल्यानंतर अद्याप त्यांचा ठावठिकाणा लागला नसल्याची माहिती आहे. पतीसह  त्यांचा आठ वर्षांचा लेक व्याकूळ झाल्याची माहिती आहे. प्रवाह न्यूजने हे वृत्त दिले आहे.

पतीची पोलिसात तक्रार

सिंधुदुर्ग जिल्ह्यात वैभववाडी तालुक्यातील सोनाळी चव्हाणवाडी येथील जिल्हा परिषद शाळेत कार्यरत असलेल्या पूजा अनिल पोवार 1 मे पासून बेपत्ता आहेत. त्यांचे पती अनिल यशवंत पोवार (रा. सिद्धनेर्ली, ता. कागल, जि. कोल्हापूर) यांनी याबाबत वैभववाडी पोलीस ठाण्यात तक्रार दाखल केली आहे.

शाळेत गेल्या, परतल्याच नाहीत

वैभववाडी पोलिसांकडून मिळालेल्या माहितीनुसार, पूजा पोवार या सोनाळी येथील चव्हाणवाडीतील जिल्हा परिषद शाळेत शिक्षिका आहेत. त्या एक मे रोजी सकाळी शाळेत आल्या होत्या. शाळेत ध्वजारोहणाचा कार्यक्रम झाल्यानंतर त्या घरी परतल्या नाहीत.

पोलिसांकडून माहिती पुरवण्याचं आवाहन

पोवार कुटुंबीयांनी त्यांचा सर्वत्र शोध घेऊनही काहीच माहिती मिळाली नाही. अखेर दोन मे रोजी त्यांचे पती अनिल पोवार यांनी आपली पत्नी बेपत्ता असल्याची तक्रार वैभववाडी पोलीस ठाण्यात दाखल केली.  पोलिसांनी फोटो शेअर करत शिक्षिका कुठे निदर्शनास आल्यास पोलीसांशी संपर्क साधावा, असे आवाहन करण्यात केले आहे.

शिक्षिकेचा फोन बंद

दरम्यान, वैभववाडी पोलिसांकडून महिलेला संपर्क साधण्याचा प्रयत्न करण्यात आला असता त्यांचा मोबाईल बंद येत आहे.  त्यामुळे ही त्या नक्की कुणीकडे गेल्या आहेत, हे अद्याप समजू स्पष्ट झालेले नाही. वैभववाडी पोलिसांना या संदर्भात काही वेगळी माहिती मिळाली असून त्यांच्या नातेवाईक व कुटुंबीयांना यासंदर्भात वैभववाडी पोलिसांनी संपर्क साधला आहे. या सगळ्या घटनेची नोंद वैभववाडी पोलीस ठाण्यात करण्यात आली असून अधिक तपास वैभववाडी पोलीस ठाण्याचे सहाय्यक पोलीस निरीक्षक श्री. सोनाळकर करीत आहेत.